Jasangarritasuna unibertsitateko egoitzan: Nola murriztu zure ingurumen-inpaktua

Unibertsitate-egoitzan edo ikastetxe batean bizitzea ez da ikasteko eta elkarrekin bizitzeko unea bakarrik: planetarekiko ohitura arduratsuagoak hartzeko aukera ere izan daiteke. Olarainen uste dugu jasangarritasuna egunero eraikitzen dela, keinu txikiekin eta eragin positiboa biderkatzen duten ekimen kolektiboekin.

Artikulu honetan, gure etxean nola jartzen dugun praktikan eta hemen bizi zaren bitartean zure ingurumen-aztarna murrizteko zer egin dezakezun azalduko dizugu.

[ez-toc]

Olarain Nature: Jasangarritasuna bizimodu gisa

Jasangarritasuna gure DNAren parte da. Horregatik sortu genuen Olarain Nature, kontzientzia ekologikoa eta bizimodu jasangarriagoa sustatzen duten eguneroko eta taldeko ekintzak uztartzen dituen programa.

Hazkunde pertsonal eta akademikoarekiko dugun konpromisoaren barruan, arreta eta laguntza pertsonalizatua ekaintzeaz gain, munduarekin konpromisoa hartzeko izan nahi dugu. Ingurumena zaintzeko eta jasangarritasuna lortzeko ekimenak sustatzen ditugu, kontsumo lokal eta arduratsuaren bidez, gure espazioa leku jasangarriagoa bihurtuz eta natura zaintzeko ekintzetan parte hartuz.

Ez gara jarduera puntualez ari, kultura partekatu batez baizik, non jantokitik garbitegira, energiatik edo mugikortasunetik pasatuz, ingurunea gehiago errespetatuz bizitzea bilatzen dugun.

Gainera, hori guztia gure Ingurumen Planaren barruan dago, eta horrek gure inpaktua etengabe antolatzen, neurtzen eta hobetzen laguntzen digu. Jasangarritasuna gure ostatuaren alderdi guztietan integratzen dugu, ahalik eta hondakin, emisio eta poluzio gutxien sortzeko. Ingurunea eta pertsonak zaintzea, hori baita gure bokazioa

Energia berriztagarria eta eraginkortasuna

Autokontsumorako eta emisioak murrizteko funtsezko urrats gisa, eguzki-panelak jarri ditugu teilatuetan. Ekimen honi esker Olarain elikatzen duen energia berriztagarria sortzen dugu.

Panel fotovoltaikoei esker, energiaren %100 GdO jatorrikoa dela bermatuta dago. Gainera, horrek lagundu digu CO2-aren arrastoa murrizten, eta aurrezpen ekonomikoa handia da.

Zenbakietatik harago, etsenpluaren bidez predikatzeko modu bat da: jasangarritasuna ezin da balio bat bakarrik izan; benetako ekintzetan islatu behar da.

Janari arduratsua eta jangela iraunkorra

Jangela da gure konpromisoa argien islatzen den espazioetako bat:

• Menuen % 50a produktu ekologikoekin, bertakoekin edo gertuko produktuekin  (Km0) prestatzen dira.
• Monodosien eta erabilera bakarreko ontzien erabilera ahalik eta gehien murriztu dugu.
• Elikagaien xahuketa egunero pisatuz kontrolatzen dugu.
• Sasoiko elikagaien kontsumoa sustatzen da
• Jaso ta Jan programa: Eguneko menua maletatxo berrerabilgarrietan kontsumitzea errazten dugu, behin erabiltzeko materialaren ordez, jantokian kontsumitu ezin dutenean.
• Donostiako Zero Plastik ekimenean parte hartzen dugu: ura pitxerretan ematen dugu.

Emaitza begi-bistakoa da: 2024an, aurreko urtearekin alderatuta, elikagaien xahuketa % 18 murriztea lortu genuen, egoiliarren kontzientziari eta inplikazioari esker.

Ohitura jasangarriak eguneroko bizitzan

Keinu txikiek ere garrantzia dute, eta asko:

Arropa garbiketa ekologiko eta eraginkorra

Olarainen uste dugu jasangarritasuna eguneroko jardueretan eraikitzen del, arropa garbitzean adibidez.

Horregatik, gure autozerbitzuko garbitegian ‘Ecolabel ‘ziurtagiri ekologikoa duten detergenteak eta kapsula hidrosolubleak erabiltzen ditugu, garbiketa eraginkorra bermatzen dutenak, ingurumen-inpaktu txikiagoarekin. Sistema horrek erabilera bakarreko plastikoak saihesten ditu, ontzien hondakinak murrizten ditu eta uraren eta energiaren kontsumoa optimizatzen du.

Gainera, koipeen dekantagailu bat dugu, lurpeko urak babesteko, kutsadura-ihesak saihestuz.

Arropa garbitzeko eredu jasangarri honen ezarpenak onura oso zehatzak lortzen ahalbidetu digu:

• Hondakinen murrizketa, plastikozko ontziak ezabatuz eta birziklatutako eta birziklagarriak diren produktuak erabiliz.
  
• Baliabideen optimizazioa, produktu oso kontzentratuen erabilerari esker, garraio eta biltegiratze gutxiago behar baitute.
  
• Karbono-aztarna txikiagoa, ontziak murriztearen eta garraioa optimizatzearen ‘Climate Neutral’ produktuak aukeratzearen ondorioz.

Hiri mugikortasuna arduratsu

Mugikortasun jasangarria sustatzen dugu: ibiltzea, bizikleta erabiltzea, autoa edo garraio publikoa partekatzea emisioak murrizteko eta ingurunea zaintzeko moduak dira.

Ingurumena errespetatzen duten alternatibak sustatzen ditugu, auto elektrikoen kargagailuarekin, bizikleta gordetzeko aparkalekuarekin eta, bizikletarik ez baduzu, alokairu zerbitzuarekin.

Elkartasun eta sentsibilizazio ekintzak

Hondartzak eta mendiak garbitzeko ekintzak abiarazi eta horietan parte hartzen dugu, gure ingurune natural hurbila zaintzeko. Eta gure egunerokoan, keinu txikiak sustatzen ditugu ingurumenarekiko arduratsuagoa den ostatu baterantz:

• uraren kontsumoaren kontrola
• elektrizitatearen eta klimatizazioaren erabilera arduratsua
• hondakinen kudeaketa: Hondakinak murriztu, sailkatu eta kudeatzen ditugu, poltsa biodegradagarri eta jarraituak erabiliz.

Eguneroko ekintza kontziente bakoitzak batu egiten du, eta elkarrekin benetako aldaketa sor dezakegu.

Konpromiso neurgarria

Aurrera egiteko, ez da nahikoa asmo onekin. Horregatik, urrats sendoak eman ditugu, hala nola:

• EBko Ekoetiketa zigilua lortzea, gure kudeaketak ingurumen-estandar altuak betetzen dituela ziurtatzen duena.
• Ministerioaren Reduzco zigilua lortzea deskarbonizazioagatik.
• Berotegi-efektuko gasen isurketak murriztu eta Naturklimaren Borondatezko Karbono Funtsaren bidez konpentsatzea.
• Gure karbono aztarna zorrotz kalkulatzea (3. irismena)

Horrela, gure ekintzek benetako eragin neurgarria dutela bermatzen dugu. Jasangarritasuna ez da joera bat; gure DNAn doan helburua da.

Zer egin dezakezu egoiliar gisa?

Ekimen kolektiboetan parte hartzeaz gain, ohitura errazak har ditzakezu zure egunerokoan. Hona hemen ideia batzuk:

• Jango duzuna bakarrik hartu eta alferrik galtzea saihestu.
• Mugatu dutxa amaigabeak eta uraren kontsumoa kontrolatu.
• Itzali argiak eta deskonektatu gailuak erabiltzen ez direnean.
• Klimatizazioa arduraz erabili. Aire girotua piztuta badago, ez utzi leihoa irekita.
• Bereizi eta birziklatu arduraz.
• Tratatu egoitza zure etxea balitz bezala.
• Aukeratu ahal duzun guztietan mugikortasun jasangarrirako aukerak: bizikleta, garraio publikoa, auto partekatua.

Olarainen, unibertsitate-egoitza batean bizitzeak planetarekin konprometitutako komunitate bateko kide izatea ere esan nahi du. Hitz hutsak baino haratago doan jasangarritasunarekiko konpromisoa dugu, bizimodu partekatua bihurtzen dena.

Izan ere, ingurumen inpaktua murriztea, erantzukizun bat izateaz gain, ikasteko, elkarrekin bizitzeko eta kontzientziaz hazteko aukera bat da.