Konparatu unibertsitate-egoitzak Donostian: gida osoa 10 gakorekin eta checklist-a ondo aukeratzeko

Zure unibertsitate garaian Donostian non bizi aukeratzea ostatutik haratago doan erabakia da. Zure aukera funtsezkoa izango da zure eguneroko erosotasunean, errendimendu akademikoan, ongizate emozionalean eta unibertsitateko esperientzia osoan.

Gainera, unibertsitate-egoitzak alderatzean, prezioak ez du beti gauza bera islatzen. Baliteke aukerak antzekoak izatea, baina, berez, oso zerbitzu desberdinak eskaintzea. Horregatik, erabaki ona hartzeko ezinbestekoa da tarifak zer barne hartzen duen ulertzea.

Nola aukeratu ikasleentzako egoitzarik onena Donostian?

Egoitza aukeratzeko prozesua izugarria izan daiteke, batez ere segurtasuna eta lasaitasuna bilatzen duten familientzat, eta independentzia eta unibertsitateko esperientzia ona nahi duten ikasleentzat.

Kontua ez da bakarrik gela bat aukeratzea: bizi-ingurune bat aukeratzen ari zara. Ostatu on batek ikasketak, atsedena, elikadura, laguntza emozionala eta bizitza soziala orekatu behar ditu.

Gida honetan azaltzen dizugu zertan jarri behar duzun arreta Donostiako unibertsitate-egoitzak alderatzen dituzunean, kokapenetik hasi eta barne hartzen diren zerbitzu eta prezio errealetaraino, erabakirik onena hartzen laguntzeko.

1. Ubicación: residencias universitarias bien conectadas en Donostia

1. Kokapena: Ondo konektatutako unibertsitate-egoitzak Donostian

Konparatzerakoan, funtsezko faktoreetako bat da zure unibertsitatearekiko edo ikasketa-zentroarekiko hurbiltasuna. Ikasle-ostatuaren kokapenak eta mugikortasun-aukerek zuzenean eragiten dute eguneroko denbora, dirua eta estresa aurreztean.

Informa zaitez unibertsitatera joateko garraio propioaren eskuragarritasunari buruz eta hirian mugitzeko garraio publikoaren benetako konexioei buruz. Aurrezten dituzun minutu horiek zuzenean eragin dezakete zure ongizatean eta errendimenduan.

Begiratu ingurua ere, eremu segurua den, berdeguneak, auzoko zerbitzu eta establezimenduak…

Egoitzak alderatzerakoan, egiaztatu:

• Campusarekiko hurbiltasuna
• Garraio publikoa eskuragarri
• Egoitzaren garraio propioa
• Auzoaren ezaugarriak
• Berdeguneak eta inguruko zerbitzuak

→ Olarainen: Ibaetako campusean kokatua, EHU, Tecnun eta Musikene ondoan, eta beste unibertsitate batzuetara joateko garraio propioa daukagu, hala nola Basque Culinary Center eta Deusto. Ingurune natural batean, Ondarreta hondartzatik gertu, , zerbitzu, berdegune eta aparkalekuekin. Bizikleten aparkaleku eta alokairua ere eskaintzen ditugu.

2. Mantenua: jantokia, pentsio motak eta elikaduraren kalitatea

Elikadura funtsezkoa da zure errendimendu akademikorako eta ongizaterako. Egoitza guztiek ez dute gauza bera eskaintzen, eta puntu horrek alde handia markatzen du.

Pentsio osoa izateak eguna modu eraginkorrean planifikatzeko aukera ematen dizu eta janaria erosteko eta prestatzeko behar den denbora aurrezten dizu. Gainera, ziurtatu dezakezu osasuntsu jaten ari zarela menua etxekoa bada eta nutrizionistek gainbegiratzen badute.

Konparatzerakoan, arreta jarri honako hauei:

• Sukalde propioa ala kanpoko catering-a duten
• Pentsio motak (osoa, erdia, gosaria bakarrik)
• Dieta berezietarako aukerak
• Erregimena aldatzeko malgutasuna

→  Olarainen: Gure sukalde propioa eta nutrizio-gainbegiratzea ditugu, gosari-buffeta eta pentsio erdi edo osoa aukeran. Ikasturtean zehar dieta bereziak egokitzeko eta erregimena aldatzeko aukera eskaintzen dugu. Olarainen, jangela da sozializatzeko eta bizitza osorako lagunak egiteko gune nagusietako bat.

3. Logelak: erosotasuna, atsedena eta ikasteko lekua

Zure logela zure espazio garrantzitsuena izango da. Deskantsu txar batek edo inguru deseroso batek eragin zuzena izan dezake zure ikasketetan. Aukeratzerakoan, kontuan hartu zein motatako gela egokitzen den hobekien zure aurrekontura eta zure pribatutasun, erosotasun eta kontzentrazio beharretara ondoen egokitzen den logela.

Unibertsitateko egoitzak alderatzerakoan, egiaztatu:

• Gelak banakakoak edo partekatuak diren
• Ohearen tamaina
• Argi naturala (kanpoko gelak)
• Altzariak (mahaia, aulkia, biltegiratzea)
• Bainugela pribatua edo partekatua
• Aukera egokituak

→  Olarainen: Gure logelak banakakoak dira, kanpokoak, naturari begira, bainugela pribatua dute, idazmahaia eta 1,35 x 2 m-ko ohea benetako atsedenerako. Logela egokituak ere baditugu.

4. Instalazioak eta gune partekatuak: ikasteko eta deskonektatzeko espazioak

Logelatik harago, zure ikasteko eta bizitzeko modura egokitzen diren espazioak behar dituzu. Batzuetan erabateko isiltasuna beharko duzu eta beste batzuetan talde lanerako gelak.

Egiaztatu ikasle-ostatuak baduen espazio komun atseginak, ikasketa-gela egokiak ikasketa ezberdinatarko, kirol-instalazioak, aisialdirako lekuak… zure egonaldia hoba egiteko behar duzun guztia.

Aukeratu aurretik, begiratu:

• Liburutegiak eta ikasgela lasaiak
• Talde-lanerako espazioak
• Gimnasioa (barne edo ordainpekoa?)
• Aisialdirako eta erlaxatzeko gune amankomunak
• Ikerketen araberako instalazio espezifikoak

→  Olarainen: Liburutegi zabal eta argitsua aurkituko duzu, ikasketa gelak, musika gelak, sukaldaritza gela, teknologia tailerra, fisioterapia gela… Eta aisialdirako espazioak, padel pista, sauna, gimnasioa, jolas eta telebista gela edo japoniar lorategia, guztia prezioan barne.

5. Giroa eta komunitatea: unibertsitateko bizitza eta ingurune soziala

Giroak eragin handia du zure esperientzian. Egoitza guztiek ez dute oreka bera ikasketen eta bizitza sozialaren artean. Aurkitu giro, erosotasun eta motibazio aldetik zure nahietara hobekien egokitzen den ostatua.

Konparatzean, galdetu zeure buruari:

• Ingurune lasaia ala oso soziala da?
• Profilen aniztasunik ba al dago?
• Nazioartekoa al da?
• Elkarbizitza sustatzen al du?

→  Olarainen: Gurea komunitate anitza eta aberasgarria da, hainbat karrera, herrialde eta profiletako ikasleekin, kirolariak edo musikariak barne. Errendimendu akademiko altua eta bizitza sozial aberatsa uztartzen dituen ingurunea.

6. 24/7 Arreta: Segurtasuna vs. Laguntza

Ostatu batzuek segurtasun-zaintzaileak dituzte, eta beste batzuek, berriz, arreta-langile propioak. Segurtasuna ez da zaintza bakarrik: akonpainamendua ere bada. Eta desberdintasuna giza tratuan eta gaueko arazoak konpontzeko sendotasunean dago. Gainera, kontuan izan behar dituzu indarrean dauden bizikidetza-arauak.

Egoitzak alderatzerakoan, egiaztatu:

• Langileak 24 orduz badaude
• Elkarbizitzarako arauak.
• Sartzeko ordutegiak
• Bisita-politika
• Arreta-mota (bertako langileak vs. segurtasuna bakarrik)

→  Olarainen: 24/7 langile propioak ditugu, segurtasuna, gertuko arreta eta arazoen konponketa edozein unetan bermatzen dutenak. Arreta etengabea eta malgua, besteak beste, ikasteko giroa eta errespetua beti mantenduko direla ziurtatzeko.

7. Akonpainamendua eta tutoretza: benetako laguntza unibertsitateko etapan

Etxetik kanpoko lehen urtea erronka garrantzitsua izan daiteke. Laguntza emozionalak markatzen du aldea.

Begira ezazu:

• Tutoreak edo aholkulariak dauden
• Laguntza psikologikoa 
• Jarraipen pertsonalizatua
• Ostatuaren giza ikuspegia

→  Olarainen: Gure taldeak psikologoa eta tutoreak ditu, zuri egokitzen eta hazten laguntzeko orientabide pertsonalizatua eskaintzen dutenak, eta baita espresatzeko espazio seguru bat ere. Dagoeneko 25 urteko esperientzia dugu hurbileko akonpainamenduan, gure goxotasuna ezaugarri duena.

 

8. Jarduera eta ekitaldi sozialak: ikastea baino askoz gehiago

Egoitza on batek ikasgelatik kanpo ere hazten laguntzen dizu. Galdetu ea baduen jarduera errealik komunitatea sustatzeko eta zure burua estudiotik harago garatzeko. Jarduera eta programa propioek zure hazkunde akademiko eta pertsonalari lagun diezaiokete.

Konparatzerakoan, egiaztatu:

• Kirol jarduerak
• Kultur ekitaldiak
• Garapen pertsonaleko programak
• Integrazio jarduerak

→  Olarainen: Kirol, kultur eta elkarbizitza sustatzeko jarduerak antolatzen ditugu. Gainera, Olarain Care, Olarain Nature, Olarain Impact eta Olarain Explore programa propioak ditugu, ongizatea, jasangarritasuna, elkartasuna eta lan-orientaziora bideratutako ekimenekin.

9. Barne hartutako zerbitzuak: zer sartzen da benetan prezioan?

Puntu honetan egoitza askok merkeak “dirudite”… baina ez dira. Egoitzak dituen zerbitzuek zure esperientzia hobea izatea lor dezakete, eta orduak aurreztu ditzakete ikasteko eta atseden hartzeko.

Garbitegia eraikinean, logelen aldizkako garbiketa, wifi egonkorra zure online lanetarako, kirol instalazioak… Garrantzitsua da eguneroko zerbitzuak baloratzea, horiek baitira normalean erabiliko dituzunak.

Erabaki aurretik, egiaztatu prezioak honako hauek barne hartzen dituen:

• Gela garbiketa eta maiztasuna
• Oheko arropa
• Wifia
• Gimnasioa bezalako instalazioetarako sarbidea
• Hornigaiak

→  Olarainen: Gure tarifa gardena da eta astean bitan gelen garbiketa, oheko arropa eta eskuoihalen asteroko aldaketa, abiadura handiko wifi-a, 24/7 arreta langile propioekin eta gimnasioa eta sauna bezalako instalazioetarako sarbidea barne hartzen ditu.

10. Donostiako unibertsitate-egoitza baten benetako prezioa: kostu guztiak, ostatu-modalitateak eta estrak

Ez konparatu oinarrizko prezioa bakarrik. Kalkulatu urteko kostu osoa. Ez da gauza bera matrikula ordaindu behar bada, fidantza bueltatzen den, oheko arropa, wifia edo elektrizitatea aparte kobratzen badira… Eta ez ahaztu elikadura-erosketak eta garraioa gehitzeaz!

Era berean, egiaztatu ostatu aukerak zein den zure beharretara hobekien egokitzen dena ikusteko. Egoitza batzuek igandetik ostiralera egoteko aukera eskaintzen dute eta otorduak sartu edo kentzeko aukera.

Horrez gain, kontsultatu ostatu-modalitateak, zure beharretara hobekien egokitzen dena ikusteko. Egoitza batzuetan igandetik ostiralera ostatu hartzeko eta mantenua kontratatzeko edo ez kontratatzeko aukera eskaintzen dute.

Kontuan izan:

• Fidantza ordaindu behar den
• Matrikula kobratzen den ala ez
• Ikasturtearen hasierako edo bukaerako hilabeteak osorik edo okupazio errealaren arabera ordaintzen diren
• Zer zerbitzu diren estrak
• Egonaldi modalitateak

→  Olarainen: Ez dugu matrikularik kobratzen, itzultzen den edo hurrengo ikasturterako gordetzen den fidantza bat besterik ez. Ikasturte hasieran eta amaieran, ez duzu hilabete osoa ordaindu beharko, gurekin ostatu hartzen duzun egunak besterik ez. Tarifa ezberdinak ditugu, 729,36 €-tik/hilean hasita, eta aukera malguak ditugu, hala nola egonaldi-mota edo mantenu-eredua.

Uda eta aldi bereziak: disponibilitatea eta malgutasuna

Ikastaroa hasi aurretik edo bukatutakoan hartu behar duzu ostatu? Egoitza batzuk udan ixten dituzte edo hilabete osoak ordaintzera behartzen zaituzte. Kontsulta ezazu zein den garai horietako erregimena eta udako tarifak.

Egiaztatu:

• Oporretan geratzeko aukera baduzu
• Nola kalkulatzen diren ikastasturtetik kanpoko hilabeteak
• Egun solteak erreserbatzeko aukera
• Egonaldiaren malgutasuna

→  Olarainen: Oporraldietan egonaldiaren araberako zati proportzionala ordaintzeko aukera eskaintzen dugu, ohiko tarifekin.

Iritziak eta erreputazioa: beste ikasleen esperientzia

Eta azkenik, erabaki aurretik, benetako iritziak ikertu.

Begira ezazu:

• Online balorazioak
• egoiliar ohien esperientziak
• Gomendioak

→  Olarainen: 25 urteko esperientzia dugu eta gure ikasleen % 90 baino gehiago beste familien eta egoiliarren gomendioei esker datoz.

Olarain, etxean bezala egon Donostian ikasten duzun bitartean

Olarain jatorri, profil akademiko eta kultura desberdinetako 165 ikasleen prestakuntza integralaren alde lan egiten duen unibertsitate-egoitza mistoa da. EHUren Donostiako campusean dago, Tecnun, Nafarroako Unibertsitatearen eta Musikeneren ondoan, eta Deustuko Unibertsitatetik eta Basque Culinary Centerretik gertu.

24/7 laguntzarekin, instalazio integralekin, garapen pertsonaleko programekin eta komunitate anitz batekin, Olarain leku ezin hobea da ikasketen, ongizatearen eta gizarte-bizitzaren arteko oreka bilatzen dutenentzat.

Ezagutu nahi gaituzu? Gure ateak zabalik daude zuretzat eta zure familiarentzat. Bisita pertsonalizatu bat eska dezakezu jakiteko zergatik Olarain egoitza bat baino askoz gehiago den. Idatzi tutoria@olarain.com helbidera edo deitu +34 943 00 33 00 telefonora.

Donostiako unibertsitate-egoitzak alderatzeko checklist-a

Ikasle-egoitza bat bisitatzen duzunean, erabili checklist hau:

Zerbitzuak eta alojamendua

• Janaria bertan egiten da ala kanpoan kontratatzen da?
• Zer pentsio mota eskaintzen dute?
• Gelak banakakoak ala partekatuak dira?
• Zein tamaina du oheak?
• Bainugela pribatua barne hartzen al du?
• Ba al dagogela egokiturik?

Prezioa eta baldintzak

• Prezioan dena sartuta dago?
• Ba al dago kostu ezkuturik (wifia, elektrizitatea, garbiketa)?
• Matrikula barne hartzen du ala fidantza bakarrik?
• Zein da urteko kostu osoa?

Instalazioak

• Ba al dago liburutegirik eta ikasteko gelarik?
• Gimnasiorik ba al du?
• Espazio komun atseginak al ditu?
• Ba al dago zure karrerarako instalazio espezifikorik?

Kokapena eta garraioa

• Zure unibertsitatetik gertu dago?
• Garraio publikoarekin lotura onak al ditu?
• Garraio propiorik eskaintzen du?

Segurtasuna eta araudia

• Ba al dago 24/7 arretarik?
• Zeintzuk dira elkarbizitzarako arauak?
• Zer bisita-politika dute?

Komunitatea eta esperientzia

• Nolakoa da giroa egoitzan?
• Nazioartekoa al da?
• Ba al dago aberastasun kulturalik?
• Jarduerak antolatzen dituzu?

Laguntza eta ongizatea

• Tutoretza edo laguntza psikologikoa dago?
• Laguntza pertsonalizatua eskaintzen dute?

Malgutasuna egonaldietan

• Egonaldi mota aukeratu dezakezu (aste osoa /partziala)?
• Aldaketak onartzen dituzte ikasturtean zehar?